Stafi i kompanisë Soft & Solution,  organizoi një takim me studentët e Kolegjit Universitar “  Instituti Kanadez i Teknologjisë “ më datë 25/11/2019.

Ata ftuan studentët e CIT University të bëhen pjesë e “ Soft Academy II” dhe programeve që ajo ofron në drejtim të fitimit të profesionalizmit në fushën e IT.

Z.Ermal Beqiri prezantoi përpara studentëve temën e Soft Academy II: “ Cikli i zhvillimit të programeve software”. Ai tregoi në mënyrë të detajuar rreth mënyrës se si do zhvillohet Akademia, temat ku do të përqëndrohet, mënyrën e organizimit, formën e aplikimit etj.

Ky trajnim ka synim përgatitjen e individëve jo vetëm nga ana teorike por edhe praktike sipas kërkesave të tregut të punës.

Të pranishëm ishin edhe ish student të CIT University të cilët tashmë janë pjesë e stafit të Soft & Solution.  Ishte pjesëmarrja e tyre në Soft Academy I e cila ju mundësoi atyre fillimin e një karriere të mirëfilltë si programues.

Frenkli Kapri,  software  developer i Soft & Solution  ndau me të pranishmit eksperiencën e tij. Ai pohoi se e ka nisur karrierën në Soft si një programues me eksperiencë  por në fillimet e tij kishte  vënë re se njohuritë në Kodim nuk ishin të mjaftueshme dhe ishte pak e vështirë për tu ambjentuar me metodologjinë e punës. Ai theksoi se në qoftë se do të kishte qenë pjesë e Soft Academy do e kishte më të lehtë përshtatjen.

 

Për studentët e Kolegjit Universitar “ Instituti Kanadez i Teknologjisë”  që do të kalojnë me sukses testimin, do të ofrohen 3 bursa.

 

Takimi i Hapur u zhvillua në mënyrë interaktive  nga të dyja palët.