COWI në Soft & Solution: Vlerësim i Thelluar i Ciklit të Zhvillimit të Softuerit

Në një botë ku teknologjia ndryshon me ritme marramendëse, të dish ku qëndron është po aq e rëndësishme sa të dish ku dëshiron të shkosh. Prandaj në Soft & Solution, nuk i shohim auditimet thjesht si procese vlerësimi, por si mundësi reale për rritje.

Gjatë dy javëve të ardhshme, ekipi ynë do t’i nënshtrohet një auditimi të plotë nga ekspertët e COWI, me fokus në përputhshmërinë me Standardet Ndërkombëtare të Ciklit të Jetës së Zhvillimit të Softuerit (Software Development Lifecycle).

Ky auditim nuk ka të bëjë vetëm me kontrollin e dokumentacionit. Është një proces që na ndihmon të kuptojmë më mirë veten si organizatë: si zhvillojmë softuer, si e menaxhojmë cilësinë, si bashkëpunojmë dhe mbi të gjitha, si mund të bëhemi më të mirë.

Ermal Beqiri, themelues i Soft & Solution, e përmbledh rëndësinë e këtij procesi në një fjali:
“Auditimi nuk është për të treguar ku kemi gabuar, por për të na ndihmuar të kuptojmë ku mund të përmirësohemi. Prandaj e ftojmë me kuriozitet dhe vullnet për të mësuar”

Ky auditim është një hap tjetër në angazhimin tonë për cilësi, transparencë dhe përsosmëri në çdo fazë të zhvillimit. Sepse te Soft & Solution, besojmë fort se rritja nuk ndodh rastësisht, por ndodh kur zgjedh të njohësh veten dhe të përmirësosh çdo ditë atë që bën.

Takimi ynë “Power to Professionals – Ready, Set, GROW” ishte një mëngjes ndryshe, ku nuk u ndamë vetëm filxhanë kafeje, por mendime, reflektime dhe ide për t’u rritur së bashku si profesionistë dhe si njerëz.