Soft & Solution kontribuon në Transformimin e Korçës | Një Ekosistem i Ri për të Rinjtë dhe Bizneset

Një Frymë e Re në Korçë: Teknologji, Rini dhe Vizion për të Ardhmen
Një valë e re shprese dhe mundësish po përfshin qytetin e Korçës, ku teknologjia, ekosistemi rinor, dhe zhvillimi lokal po ndërthuren për të ndërtuar një realitet të ri. Në qendër të kësaj lëvizjeje pozitive janë të rinjtë, të cilët jo vetëm po dëgjohen, por po përfshihen aktivisht në ndërtimin e së ardhmes.

Transformimi i Qytetit të Korçës

Në një takim frymëzues të organizuar me mbështetjen e Ministrisë së Mbrojtjes, Ministrisë së Shtetit për Rininë dhe Fëmijët, dhe Bashkisë së Korçës, u prezantuan iniciativa konkrete për rritjen e angazhimit të të rinjve në teknologji dhe inovacion. Ministri Niko Peleshi, ministrja Bora Muzhaqi dhe kryetari Sotiraq Filo ndanë një vizion të përbashkët: ta kthejnë Korçën në një model zhvillimi të qëndrueshëm për brezat e rinj.

Soft & Solution: Investimi në Talente Lokale

Soft & Solution është krenare që është pjesë e këtij transformimi. Si pjesë e përkushtimit për të zhvilluar talentet lokale në teknologji, ne kemi filluar bashkëpunimin aktiv me të rinjtë në Korçë përmes programeve të trajnimit, mentorimit dhe punësimit në projekte reale të teknologjisë.

Ermal Beqiri, themelues i Soft & Solution Group, thekson rëndësinë e këtij angazhimi: “Të investosh në rininë e një qyteti nuk është vetëm strategji, është përgjegjësi. Kur një i ri nga Korça ka akses në teknologji dhe mundësi reale zhvillimi, i gjithë komuniteti përfiton. Ne nuk kërkojmë talente të gatshme, por mbështesim të rinjtë që kanë potencial dhe vullnet për të ndryshuar botën.”

Ndërtojmë së Bashku një Ekosistem që Fuksionon

Nëpërmjet këtij ekosistemi të ri rinor dhe biznesor, po krijohet një urë lidhëse midis arsimit, punësimit, dhe inovacionit teknologjik. Kjo është rruga drejt një Korçe më të zhvilluar, më të gjallë dhe më të lidhur me botën moderne.